2017 жылғы 3 наурызда Қазақстан Республикасының Ұлттық кітапханасында Н.В. Гоголь атындағы Қарағанды облыстық әмбебап ғылыми кітапханасы мамандары үшін кітапхана қорындағы құжаттарды индекстеуде Кітапханалық-библиографиялық жіктеуден халықаралық Әмбебап ондық жіктеуге көшу мәселесі туралы онлайн-семинар өтті. Әмбебап ондық жіктеу – білімнің халықаралық жіктеу жүйесі, әлемдік көпшілік кітапханалар пайдаланатын, жалпы ондық жіктеуден тұратын барлық білім саласын бір жүйеге келтіретін бірыңғай әмбебап құрылым болып табылады. 2017 жылдың қаңтарынан бастап Қазақстанның көпшілік аймақтық кітапханалары құжаттарды индекстеуде халықаралық Әмбебап ондық жіктеу жүйесіне көшуді іске асырмақ. Онлайн-кездесуде Қазақстандағы көпшілік әмбебап кітапханалары үшін ғылыми-әдістемелік орталық ретінде ҚР Ұлттық кітапханасының мамандары Әмбебап ондық жіктеу жүйесіне көшу сұрақтары бойынша бірнеше индекстеу үлгілерін қашықтықтан нақты іс-тәжірибе арқылы көрсетті. Автоматтандырылған ақпараттық-кітапханалық Web-Рабис жүйесінің авторы Е.Б. Сапарғалиев қарағандылық әріптестерге Web-Рабис бағдарламасында құжаттарды каталогтау жұмысын насихаттады.