2017 жылғы 15 наурызда ҚР Ұлттық кітапханасында Қазақстан Коммуникативтік Ассоциациясымен ұйымдастырылған, біздің қаламыздың әдеби өмірінің алтын шежіресіне кірген «Звездная песнь Серебристой волчицы» атты кітаптың оқылуы өтті.

   Кітап авторлары – атақты ғалым, фольклоршы,Түркі-моңғол фольклорының  жинаушысы Едіге Тұрсынов және түркі-моңғол   мифологиясы мен поэзиясын  зерттеуші, жырау Қайрат Жаңабаев, өз еңбегін әйгілі түркітанушы  А.С.Аманжоловқа арнаған.
   Кеш Қазақстан Коммуникативтік Ассоциациясы «Алматы тарихы: әдеби Алма-Ата» жобасының аясында өтті. Қазақстан Коммуникативтік Ассоциациясының директоры, профессор Бағила Ахатованың сөздері бойынша «Звездная песнь Серебристой волчицы» кітабы көк-түріктердің мифологиялық тарихының, олардың бостандығы мен тәуелсіздігі үшін шайқастарының алғашқы әдеби баяндауы болып табылады. Түркі елінің аңыздары негізінде жазылған, әр жолы туған жер мен оның тарихына деген махаббатқа тола, бұл кітап – қазақ мемлекеттілігінің бастамасы туралы. 
   Кітап ұзақ жылдар бойы жазылып, түзетіліп, «Еуразия» және «Рух-Мирас» журналдарында әр түрлі нұсқалары басылымға шықты, және бұл кітап коғамда жоғары бағаланды.
   2010 жылы «Песнь серебристой волчицы» кітабы «Балалар мен жасөспірімдерге арналған ең жақсы кітап» номинациясында II-орын және ҚР ҚХА сыйлығын иемденген.  
 Кешті ҚР Ұлттық кітапханасы директорының орынбасары С.А.Елемесова ашты. Сөз сөйлегендер: М.Сембі, А.Наурызбаева, Қ.Жанабаев, З.Жандосова, В.Павленко, Б.Ахатова, О.Хакім, С.Нұрбеков, А.Жүндібаева және т.б.