2017 жылғы 14 наурыз, сағат 15.00-де Қазақстан Республикасының Ұлттық кітапханасындағы Ермек Тұрсыновтың киноклубында, Ғылыми-әдістемелік қызметінің ұйымдастыруымен, Ұлттық  кітапханада іс-тәжірибеден өтіп жатқан оқу орындары студенттерінің «Көктем сазы» атты концерті өтті.

   Іс-тәжірибеден өтіп жатқан Құрманғазы атындағы Қазақ Ұлттық консерваториясының, әл-Фараби атындағы ҚазҰУ-ның, Қазақ мемлекеттік қыздар педагогикалық университетінің және Қаскелең мәдениет колледжінің студенттері «Наурыз» мейрамына орай кітапхана ұжымына мерекелік кеш сыйлады.
   Студенттер алған тәжірибелерін көрсете отырып жоғары деңгейде өнер көрсетіп, көрермендердің үлкен алғысына бөленді. Кеш соңында кітапхана ұжымы студенттерге алғыс айтып, келешектегі жоспарлары мен бастамаларына сәттілік тіледі.