2017 жылғы 3-5 сәуірде ҚР Ұлттық кітапханасында Атакент (Алматы қ.) көрме кешенінде өткен «Ұлы Жібек Жолымен» атты ІХ Халықаралық кітап және полиграфия көрмесіне арналған, аймақтық оқу-ақпараттық ISSN сессиясы өтті.
Сессияға Қазақстан, Ресей, Франция, Белоруссия, Өзбекстан, Қырғызстан және Украинаның полиграфия және кітап саласының жетекші мамандары мен басшылары қатысты. ISSN ақпараттық сессиясының бас спикері – Гаэль Беке, ISSN Халықаралық орталығының директоры (Париж қ., Франция). Оқу аясында бірқатар мәселелер мен тақырыптар қозғалды: 1.ISSN (ағыл. International Standard Serial Number — ISSN) нөмірі дегеніміз не – қайда, қандай тілде, қандай тасымалдаушыда болсын, кез-келген мерзімді басылымдарды анықтауға мүмкіндік беретін халықаралық стандарттық сериялық нөмір. 2.ISSN-ды тағайындаудың негізгі ережелері. 3.ISSN жазбасына жауапкершілік. 4.Міндетті және қосымша элементтер. 5.ISSN-ның жазбасының мәртебесі. 6.Virtua ақпараттық жүйесінде ISSN библиографикалық жазба жасау (кириллицада каталогтау модулінің шағын тұсаукесері). 7.ISSN Халықаралық орталығында және ISSN желісінің шеңберінде іс-шаралардың жалпы көрінісі – жаңа стратегияға назар қою және т.б.
|