2017 жылғы 21 сәуірде Н.Дәулетова атындағы залда Ауған соғысы ардагерлері ұйымдарының «ҚАЗАҚСТАН АРДАГЕРЛЕРІ» қауымдастығы мен республикалық патриоттық, әдеби-танымдық «Ұлт болмысы» журналы, «Нұр Отан» партиясы Әуезов аудандық филилалы бірлесіп ұйымдастырған «Рухани жаңғыру – Ұлттық рухтың жаңғыруы» атты республикалық ғылыми конференциясы өтті.

   Мақсаты: ҚР Президенті Н.Ә.Назарбаевтың «Болашаққа бағдар: Рухани жаңғыру» атты жаңа мақаласы халықтың сұранысына сай жазылған еліміздің ұлт ретіндегі рухани жаңғыруына аса зор ықпалын тигізетін идеаларға тола болғандықтан, өткен тарихты саралай отырып, болашаққа деген бағдарды талқылап, аталмыш мақалада көтерілген мәселелерді талдау. 
   Іс-шараны Республикалық «Ұлт болмысы» журналының бас редакторы Г.Амантайқызы жүргізді.
   Қатысушылар: ҚР Ұлттық кітапханасының директоры Жанат Сейдуманов, А.Байтұрсынов мұражай-үйінің директоры, Әл-Фараби атындағы ҚазҰУ доценті  Райхан Сахыбекқызы және қоғам қайраткерлері, БАҚ өкілдері.
   Іс-шара барысында «Ұлт болмысы» журналы мен ҚР Ұлттық кітапханасы арасында басшылық тараптардың келісімі бойынша, ынтымақтастық келісім-шартқа қол қойылды.