2017 жылғы 23 сәуірде ҚР Ұлттық кітапханасында Дүниежүзілік кітап және авторлық құқық күніне орай, Ашық есіктер күні өтті.

   Кітапхана фойесінде қазақстандық баспалардың қатысуымен кітап жәрмеңкесі ұйымдастырылды. «Балаларға кітап сыйла» акциясының аясында, Ұлттық кітапхана балаларға балалар кітаптарын тарту етті. Е.Тұрсынов киноклубында «Көшпенділер», «Сұлтан Бейбарыс», «Алпамыс мектепке барады», «Кек» атты фильмдері тегін көрсетілді. Жас көрермендерімізге  Балалар театрының «Тук-Тук», «Кто там?» атты спектаклі ұсынылды. С.Бегалин атындағы балалар кітапханасының қызметкерлері қызықты жарыстар, сауалнамалар және шеберлік-кластар  өткізіді.
   Кітапхана ғимаратының алдында орналасқан Буккроссинг (еркін кітап алмасу) өз оқырмандарын күтеді. Әркім өз кітаптарын әкеліп, ұнаған әдебиетін алып кете алды.
   Ұлттық кітапханада тілек білдірген келушілерге танымдық экскурсия ұйымдастырылды.