2017 жылғы 25 сәуірде Е.Тұрсынов киноклубында қазақ кино классикасы «Транссибирский экспресс» атты фильмінің көрсетілімі мен талқылануы болды.

   Көрсетілім белгілі қазақ актеры, Қазақстан халық әртісі және басты рөл орындаушысы Асанәлі Әшімовтың 80 жас мерейтойына арналған.
   «Транссибирский экспресс» киносуреті Александр Адабашьян, Никита Михалков, Андрей Михалков-Кончаловский сияқты ұлы сценаристтердің қолынан өткен, «Қазақфильм» киностудиясында түсіріліп, 1977 жылы жарыққа шықты.
   Бұл фильм - «Конец атамана», «Транссибирский экспресс», «Маньчжурский вариант» атты трилогияның екінші фильмі.

   1927 жыл. Жапон елінде коммунистік Мәскеумен қарым-қатынасты орналастыруға үлесін қосқан жапон бизнесменінің жалғыз қызын өлтіріп кетеді. Бұл арандатушылыққа қарамастан, байғұс әке Мәскеуге транссібірлік экспресске мініп кетеді. Екі ел арасындағы сауда қарым-қатынасын құртуды жоспарлаған шетел барлаушылары бизнесменді өлтіруге дайындалуда, бірақ чекисттер құлақтарын түріп отыр...

   Модератор: белгілі режиссер, сценарист және Қазақстан жазушысы Ермек Тұрсынов.