2017 жылғы 26 сәуірде Н. К. Даулетова атындағы залда Иран Ислам Республикасы Бас Консулдығының мәдени өкілдігі ұйымдастырған «Сағди Ширази-парсы-тәжік поэзиясының классигі» атты әдеби кеш өтті.
Кешті Әлем әдебиеті қызметінің жетекшісі Тұяқова Салима Тоқтасынқызы ашты. Іс-шараны әл-Фараби атындағы Қазақ ұлттық университетінің доценті Қыдыр Төрәлі жүргізді.
Кеште Алматы қаласындағы Иранның Бас консулы Хамид Реза Аршади, Иран мәдени өкілдігінің директоры Сейед Джавад Джалаи Киясари, ғалым-ирантанушылар, ғылым докторлары Ислам Жеменей, Сафар Абдулло, Қазақ Ұлттық университетіне Ираннан арнайы шақыртылған оқытушы Амир Ченари, Абылай хан атындағы Қазақ халықаралық қатынастар және әлем тілдері университеті мен әл-Фараби атындағы Қазақ Ұлттық университетінің мұғалімдері мен шығыстану факультетінің студенттері сөз сөйледі және студенттер атақты классиктің өлеңдерін оқыды.
Сағди Ширазидің рухани мұрасы мен әдеби шығармашылығына арналған әдеби кеш әл-Фараби атындағы Қазақ ұлттық университеті, Иран-Тұран жобасы аясында өтті.
|