2017 жылғы 16 мамырда ҚР Ұлттық кітапханасының қолдауымен, Абылай хан атындағы Қазақ халықаралық қатынастар және әлем тілдері университеті, Қазақстан Республикасының Жазушылар одағы және Қазақстан Республикасындағы Иран Исламдық Республикасы елшілігінің Мәдени өкілділігі бірлесе ұйымдастырған ұлы парсы-тәжік ақыны Әбілқасым Фирдоусиға арналған Парсы-тәжік поэзия кешін өткізді.

   Парсы-тәжік әдебиеті – әлемнің түрлі елдер әдебиетінің дамуына үлкен ықпал тигізген бай, әрі ежелгі әлем әдебиеттерінің бірі.
   Парсы тілінде жазған ақындар: Рудақи, Низами, Хафиз, Омар Хайям, Саади, Руми, Жәми, Беділ және басқалары сияқты аттар күллі әлемде танымал, олардың шығармалары бүкіл адамзаттың асыл мұрасы болып есептеледі. Бұл жұмыстар көптеген тілдерге аударылған және парсы поэзиясының әдемілігін, әсемдігін, күшін бағалай алатын барлық оқырмандарға қол жетімді.
   Парсы тіл шеберлерінің бірі – «Шах-наме» («Патшалар кітабы») атты ұлы эпопеяның авторы  Әбілқасым Фирдоуси болып табылады. Кей кезде «Патша-кітап» деп аталатын бұл шығарма – ұлы тарихи және әдеби ескерткіш, иран елдерінің ұлы ұлттық эпосы.
   Іс-шараға Қазақстан, Иран, Тәжікстан және Ауғанстанның ұлы әдебиетшілері қатысты.