2017 жылғы 13 маусымда ҚР Ұлттық кітапханасында Халықаралық Әдеби Биеннале аясында Қытай жазушысы, КХР Жазушылар Одағының мүшесі Ақпар Мәжиттің 4 томдық кітабының тұсаукесері өтті.

   Ақпар Мәжит Қытай Халық Республикасы Жазушылар Одағының және Қазақстан Республикасында 2014 жылдың қыркүйегінде құрылған Әлем жазушылары Одағының мүшесі, Қытай Мемлекеттік сыйлығының лауреаты, Қытай Халық Республикасы Жазушылар Одағының «Қытай жазушылары» журналының бас редакторы. Қытай тілінде жазады, 28 кітаптың авторы, соның ішінде Абай шығармалары аударымдарының авторы.
   Іс-шараны ҚР Ұлттық кітапханасының директоры Жанат Сейдуманов ашты.
   Сөз сөйлегендер: Еуразия кітапханашылары Ассоциациясы мен Түркия Ұлттық кітапханалары атынан уәкіл Асуман Акдемир, Қазақстандағы "Әлем халықтары жазушылары одағы" қоғамдық бірлестігінің президенті Қайрат Дүйсенов, ҚР Жазушылар Одағының төрағасы Нұрлан Оразалин және т.б.