2017 жылғы 6-7 маусымда Ақпараттық ресурстар қызметінің жетекшісі Н.А. Искалиева мен Шетел әдебиеттерін өңдеу тобының жетекшісі Ф.Қ. Бектурбекова Қызылорда облысы әкімі аппаратының Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру орталығында 2 күндік оқу үйрету семинарын өткізді.
ҚР Ұлттық кітапханасының мамандары курс тыңдаушыларына отандық қолданбалы «Web-РАБИС» бағдарламасының модульдарын, халықаралық Әмбебап ондық жіктеу (ӘОЖ) жүйесін қолдану үдерістерін, Кітапхана ісі бойынша халықаралық және ұлттық стандарттарын, Ұлттық авторитеттік/нормативтік файлдар құрудың негізгі ережелерін таныстырып, кітапхана қорын толықтыру және есепке алу бойынша және т.б. әдістемелік кеңестер берді. ҚР Ұлттық кітапханасында 12-14 маусымда өтетін «ЭКСПО-2017» көрмесінің мәдени іс-шаралары аясындағы Халықаралық әдеби биеннале туралы хабарлама жасады. Қызылорда облысының кітапханашы мамандары Ұлттық кітапхана жанындағы Каталогизатор мектебінде кәсіби біліктіліктерін көтеруге оқуға келуге ниет білдірді.
|