2017 жылдың 21 маусымында ҚР Ұлттық кітапханасының қоры Түрікменстан Президенті Бердымухамедов Гурбангулының қазақ тіліндегі кітаптарымен толықты. Кітаптың үш бөлімі ҚР Олимпиада комитетінің және ҰОҚ ҚР Президентінің кеңесшісі Бақытжан Ордабаевпен сыйға тартылды.
ҚР Ұлттық Олимпиада комитетінің Президенті Тимур Кұлыбаевтың бастамасы бойынша барлық үш кітап қазақ тіліне аударылған. Түрікменстан Президенті Гурбангулы Бердымухамедов «Ақалтеке тұлпары – мақтанышымыз бен абыройымыз», «Тұлпардың шапшаң шабысы», «Көк тұлпарларының самғауы» атты кітаптарында өзінің жылқыларға деген махаббатын жеткізген. Бұл кітаптардың әрқайсысы мыңдаған данада шығарылды. Жылқылардың мінез – құлқын, құпиясын зерттеген автор ұлттық қадір – қасиет ретінде елдегі асыл тұқымды жылқы саласын дамыту туралы жазады. Кітаптың тұсаукесері ҚР Ұлттық кітапхана ұжымында, Алматы қаласы мен Алматы облысының түркімен әлеуметтік – мәдени орталығының өкілдері Гульнар Аннакулиева, Нурмухан Боранбаевтың қатысуымен өтті.
|