2017 жылғы 19 шілдеде Қазақстан Республикасының Ұлттық кітапханасы мен Азиялық Мәдениет Орталығы арасындағы 2016 жылдың соңында қабылданған ынтымақтастық туралы Меморандум аясында ҚР Ұлттық кітапханасына Корея Республикасының Мәдениет, спорт және туризм министрлігіне қарасты халықаралық қатынастар бойынша сарапшы Бонсу Чжон мырза іс-сапармен келді.

   Кездесу барысында екі ел арасындағы ынтымақтастықты нығайту мәселелері талқыланды. Корей Республикасы мен 5 Орта Азия елдері арасындағы Халықаралық алмасу бағдарламасы шеңберінде Ұлттық кітапхана қоры қазақстандық авторлардың корей суретшілерімен көркемделген, Азия мәдениетінің мемлекеттік орталығында жарық көрген басылымдармен толықтырылды.