2017 жылғы 24 шілдеде ҚР Ұлттық кітапханасының  директоры  Ж. Сейдуманов Пәкістан Ислам Республикасының Қазақстандағы  төтенше және өкілетті Елшісі – Абдул Салик Хан мырзаны қабылдады.

   Қадірлі қонақты Қазақстан Республикасы Ұлттық кітапханасы директорының орынбасары Б.Оспанова мен әлем әдебиеті қызмет жетекшісі С.Тұяқова қарсы алды.
   Абдул Салик Хан мырза ҚР Ұлттық кітапханасының қызметіндегі заманауи тәсілді, оқырмандарға қызмет көрсетуді, бай кітап топтамалары мен кітапхана ұжымының жұмыстарына ризашылығын білдірді. Кездесу аясында мәдени ынтымақтастық, Пәкістан Кітап бұрышының қызметін жандандыру мәселелері қозғалып, алдағы жоспарланған жұмыстар талқыланды.
   Пәкістан Ислам Республикасының Қазақстандағы  төтенше және өкілетті Елшілігінің атынан Абдул Салик Хан мырза кітапханаға заманауи компьютер сыйға тартты.
   Кездесу барысында ҚР Ұлттық кітапханасы мен  Пәкістан Ислам Республикасының Қазақстандағы Елшілігі арасында одан әрі ынтымақтастық жасау туралы ұсыныстар айтылды.