2017 жылғы 8 тамызда Н.Дәулетова атындағы залда Қазақстан Республикасы Ұлттық кітапханасы мен Қазақстан Республикасы Ұлттық Олимпиадалық комитеті арасында бірлескен меморандумға қол қою рәсімі өтті.
Осы меморандум бойынша бірлескен іс-шаралардың алғашқысы ретінде белгілі қоғам қайраткері, еліміздің спорт саласының дамуына мол үлес қосқан Ақбаев Аманша Сейсенұлының (1937-2004) туғанына 80-жыл толуына орай салтанатты жиын өтті. Іс-шара аясында А.С.Ақбаевтың өмірі мен шығармашылығына арналған көрме ұйымдастырылды. Сөз сөйлегендер: С.Қасқабасов, Ж.Сейдуманов, П.Новиков, Р.Ақбаева, Э.Басаров, Б.Ермұханов және т.б. Іс-шараға Аманша Сейсенұлының жұбайы Райхан Ғазизқызы және де Аманша Сейсенұлымен үзеңгілес болған әріптестері, шәкірттері, БАҚ өкілдері, спорт саласына еңбегі сіңген азаматтар қатысты.
|