Мәскеуде XXX-шы Мәскеулік халықаралық кітап көрмесі өтіп жатыр. Көрмеге әлемнің 20-дан астам елдің өкілдері қатысуда. Қазақстанның атынан ҚР Ұлттық кітапханасы мен «Фолиант» (Астана) баспасы қатыстып жатыр.

   Қазақстандық кітаптар мен әдебиеттер ресей оқырмандарында үлкен сұранысқа ие. Қазақ әдебиетін әлем мәдениетіне насихаттайтын  «Болашаққа бағдар: рухани жаңғыру» бағдарламасын жүзеге  асыру барысында Ұлттық кітапхана директоры Ж.Т.Сейдумановпен   келіссөздер өткізіліп,   қазақ    авторларының    еңбектерін    украин,    беларус   және    араб    тілдеріне аудару туралы келісімге қол жеткізді.
   Сонымен қатар, ҚР ҰК мен РФ РМК арасында ынтымақтастық туралы меморандумға қол қойылып, Мәскеулік мемлекеттік мәдениет университетімен Қазақстанның кітапханалық саласына мамандар дайындауға келіссөздер өткізілді.