Өнер бөлімінің оқу залында театр сыншысы, актер Қуандықов Қажықұмар Кенжебекұлының (1927-1971) 90 жылдығына арналған «Саңлақ сыншы» атты кітап көрмесі ұйымдастырылды.
Қуандықов Қажықұмар Кенжебекұлы 1927 жылы 19 қыркүйекте Шығыс Қазақстан облысы Шар ауданының Қараш ауылында дүниеге келген. Мәскеудегі Театр өнері институтының қазақ студиясын бітірген (1954). 1954 -1956 жж. Қазақ академиялық драма театрының труппасында актер болды. Бұдан кейін Республикалық халық шығармашылығы үйінің (1956 - 1958) жж., Әдебиет және өнер институтының (1961 - 1963) жж., сондай-ақ, «Қазақ әдебиеті» газетінің (1964 - 1967) жж. редакцияларында қызмет етті. 1968 - 1971 жж., Қазақ кеңес энциклопедиясы бас редакциясында аға ғылыми редактор болды. 1950 жылдары театр сыншылығымен айналысты. Оның қаламынан жекелеген театрлар мен актерлардың шығармашылық мәселелерін көтерген сыни мақалалар туындаған. Пьесаларды (А.Қаһардың "Табыттан шықкан үн" және т.б.) аударды. Көрмеде ҚР Ұлттық кітапханасының кітап және мерзімді басылымдар қорынан Қажықұмар Қуандықовтың өмірі мен шығармашылығы туралы материалдар ұсынылған.
Кітап көрмесіне шақырамыз!
|