2017 жылғы 26 қыркүйекте ҚР Ұлттық кітапханасында «Мицва» қауымдастығымен бірге ұйымдастырылған фотосуретші, Қазақстанның өнер қайраткері Иосиф Будневичтің көрмесі ашылды.
Будневич Иосиф Львович (1927-2007) журналист, Журналистика академиясының академигі. Еңбек жолын «Ленинская смена» газетінен бастап, Қазақстан тарихының бір дәуірінің фотохронигы болды. Оның фотоархивінде тың жеріміздің алғашқы шөбі, алғашқы өнімі, Қазақстанға берілген Лениннің алғашқы ордені, ресей ғарышкерлерінің қонуы, Теміртау домнасының алғашқы іске қосылуы, Ертіс-Қарағанды арнасының салынуы, ядролық зымырандарды жою мен ядролық полигонның жабылуы, қазақстандық спортшылардың жоғарғы спорттық жетістіктері және т.б. бар. Фотосуретші Д.А.Қонаевты, Ж.Шаяхметовты, Н.С.Хрущевты, Л.И.Брежневты суретке түсірген. 1992 жылдан бастап Будневич алғашқы Президент Н.Ә.Назарбаевтың жеке фотографы болды. ҚР өнер қайраткері, әрі «Құрмет» орденінің иегері. Қазақстан журналистикасының дамуына қосқан үлесі үшін «Алтын Самрұқ» алтын мүсінімен марапатталған. Көрмені ҚР Ұлттық кітапхана директорының орынбасары А.Х.Юсупова ашты. Сөз сөйлегендер: Қазақстан елдерінің қауымдастығы төрағасының орынбасары Александр Барон және т.б.
|