2017 жылғы 14 қыркүйекте кітапханатану залында «SARAPSHY» сарапшылар клубының қазақ тілінің латын әліпбиіне көшуіне арналған кезекті отырысы өтті.

   ҚР Парламенті отырысында қазақ тіліне арналған латын әліпбиінің жаңа үлгісі ұсынылды. Жаңа әліпби үлгісі 25 белгіден тұрады және қазақ әліпбиінің ерекше әріптерінің дауыстары осы белгілердің бірігуі арқылы берілетін болады. Сонымен қатар, әр түрлі сарапшылар латын графикасы негізіндегі басқа да әліпби үлгілерін ұсынуда. Біреулері графиканың «түрік» үлгісін қаласа, екіншілері өткен ғасырдың 30-40 жылдарындағы қазақ (латын) әліпбиін негізге алуды ұсынып отыр.

   Клуб отырысына саясаткерлер, филологтар, азаматтық белсенділер және журналисттер, Алматы қ. әйгілі қоғам қайраткерлері мен шығармашылық зиялы қауымы қатысты.