2017 жылғы 13 қазанда ҚР Ұлттық кітапханасында 15 қазанда тойланатын Алматы қ. Кітапханалар күніне орай ұйымдастырылған «Кітапхана - өнер, білім ордасы» атты кітапхана ісінің жас мамандарына арналған фестиваль өтті. Алматы қ. Кітапхана қызметкерлері күні 1999 жылдың 15 қазанынан бастап қала әкімінің шешімімен тойланады. Фестиваль мақсаты - жас мамандар өз өнерлерін көрсетіп, қазіргі заманғы кітапханшы бейнесін қалыптастыру, сонымен қатар мамандар арасында корпоративтік кітапханалық дәстүрлерді жалғастырып, кітапхана ісіне қызығушылықты ояту, кәсіби білімді жоғарылату. Кеш қонақтары: Алматы қ. бүкіл кітапханаларының өкілдері, зиялы қауымы және Әкімдігі. Қатысушылар: ҚР Білім және ғылым министрлігінің «Ғылым ордасы» Орталық ғылыми кітапханасы, Алматы қ. Орталықтанған кітапханалық жүйе, Нашар көретін және зағип жандарға арналған Республикалық кітапхана, Әл-Фараби атындағы ҚазҰУ Тарих, археология және этнология факультетінің Кітапхана ісі студенттері және т.б. Кітапханашыларды құттықтауға халық әртісі М.Серкебаев бастаған Камералық оркестр, әйгілі қазақстандық әншілер мен орындаушылар келді.
|