2017 жылғы 19 қазанда Н.Дәулетова атындағы Залда Алматы қаласының кітапханалары Күніне арналған «Мамандығым – мақтанышым» атты Ашық есік күні өтті.
Алматы қаласы кітапханаларының күні 1999 жылы Алматы қаласы Әкімінің шешімімен, жыл сайын 15 қазанда аталып өтіледі. Ашық есік күніне әл-Фараби атындағы Қазақ ұлттық университеті, Қазақ мемлекеттік қыздар педагогикалық университеті, Құрманғазы атындағы Қазақ ұлттық консерваториясы, Қаскелең Мәдениет колледжінің «Кітапхана ісі» мамандығы факультетінің студенттері мен оқытушылары қатысты.
Іс-шара барысындағы дөңгелек үстелде еліміздің мәдениетін дамыту жолындағы кітапханашының рөлі туралы қатысушылар өз ойларын ортаға салды. Арнайы ұйымдастырылған көрмеде кітапхана ісінен толық мағлұмат беретін – Қазақстан, ТМД және шетелдік әдістемелік оқу құралдары ұсынылды. Сондай-ақ, іс-шараға қатысушыларға Ұлттық кітапхана бөлімдеріне таныстыру экскурсиясы жүргізіліп, мәдени бағдарлама ұсынылды. Студенттердің біліктілін арттыру үшін сұрақтар қойылып, дұрыс жауап берген студенттерге кітап сыйға тартылды. Іс-шараны ҚР Ұлттық кітапханасы директорының орынбасары А.Х.Юсупова ашты. Модератор: журналист-жүргізуші Нұрсұлтан Есжан. Сөз сөйлегендер: ҚР Ұлттық кітапханасы директорының орынбасары Б.Қ.Оспанова, Қазақ Мемлекеттік Қыздар Педагогикалық университетінің ұстазы Г.И.Нұржанова және т.б.
|