2017 жылғы 28 қазанда Е.Тұрсынов атындағы кинозалда Book Concert және корей суретшісі Чон Хёнчжинның көркемдеуімен, қазақ жазушысы Дүйсен Кеңес Оразбекұлының «Жыл басы қалай анықталады?» атты көркемделген балалар кітабының тұсаукесер рәсімі өтті. Кітаптың қазақ және корей тіліндерінде басылымға шығуы Қазақстан Республикасы мен Корей Реуспубликасының арасындағы дипломатиялық қатынастар орнатылуының 25 жылдығына орай ұйымдастырылып, «Сказительское искусство» Азиялық Комитет бағдарламасының өткізілу аясында өтті. Бұл жоба «Орталық Азия – Корей Республикасы» Ынтымақтастық Форум Хатшылығының алғашқы баспа жобасы болып табылады. «Жыл басы қалай анықталады?» - бұл үлкен жаңа жылдық мереке «Наурыз» туралы әңгіме. Кітапта жылдың 12 айын бейнелейтін он екі жануар мен Жаңа жылды қай уақытта тойлау керегі туралы дауы жайында айтылады. Кітап сөзбе-сөз аударымымен қазақ және корей тілдерінде шығарылды. Іс-шараны ҚР Ұлттық кітапханасы директорының орынбасары А.Х.Юсупова ашты. Іс-шарада «Көкіл» мектеп-колледж оқушылары өз өнерлерін көрсетіп, Ушинский атындағы мектептің 2 сынып оқушылары «Жыл басы қалай анықталады?» әңгімесі бойынша қойылым өткізді. Кітап авторы Дүйсен Кеңес Оразбекұлы өзінің шығармашылығы туралы айтып, афтографы қойылған кітаптар таратты! Қатысушылар: Азиялық мәдениет орталығы өкілдері және Алматы қ. оқушылары.
|