2017 жылғы 10 қарашада Н. Даулетова атындағы залда Қазақстан Республикасының Ұлттық кітапханасы Елбасымыздың "Болашаққа бағдар: рухани жаңғыру" бағдарламалық мақаласының негізінде, Қазақстан Педагогикалық Ғылымдар Академиясының Академигі, Қазақстанның тұңғыш Еңбек Ері, Қазақстанның еңбек сіңірген қайраткері, Қазақстан Республикасы білім беру ісінің құрметті қызметкері, Алматы қаласының Құрметті азаматы Аягүл Төреқызы Миразовамен оқырмандар арасында кездесу өтті.

   Аягүл Төреқызы Миразова 1948 жылы 15 желтоқсанда Жамбыл облысының Берікқара ауылында дүниеге келген. 1972 жылы Жамбыл педагогикалық иниститутының математика факултетін бітірген. Аягүл Төреқызы Ыбырай Алтынсарин атындағы №159 гимназияда 1991 жылы тамыз айында жалпы орта білім беретін мектеп болып ашылған бірінші күнінен бастап директор болып қызмет атқарды. Оның барлық оқытушылық қасиеттері мұғалімдер мен оқушыларға көмектесуге бағытталған. А.Т.Миразова баланың жоғары интеллектуалды тұлға ретінде қалыптасуына септігін тигізу өзінің негізгі борышы деп есептейді.