Қазақстан Республикасы Ұлттық кітапханасының 3-қабатында 2017 жылғы 22 қараша - 15 желтоқсан аралығында мәдениет, білім, ақпарат салаларындағы достық қарым-қатынасты нығайтуға арналған «Жібек Жолының жаңа келбеті және қытай-қазақ ынтымақтастығының жетістіктері» атты фотосурет көрмесі өтеді.
Фотосурет көрмесі 3 бөлімнен тұрады:
1-бөлім: Ұлы Жібек Жолының тарихын, оның әлемдік мәдениеттің дамуына ықпалын қамтиды. Қазақ даласы сауда жолдары өтетін аумақ болған. Жібек Жолында көшпелі және отырықшы елдердің өзара мәдени қарым-қатынастары, рухани мәдениеттің бірігуі пайда болған. Бұл байланыстар елдер арасындағы бейбіт, тату қарым-қатынастарға ықпалын тигізді және халықаралық жобалардың дамуына серпін берді. 2-бөлім: энергетика, көлік, логистика, телекоммуникация, авиация, инфрақұрылым, туризм, мұнай салаларындағы бірлескен экономикалық жобаларды, «Западная Европа –Западный Китай», «Мойнакская ГЭС», ірі қытайлық «Sinopec» мұнай және химиялық корпорациясының және т.б. жобаларды қамтиды. 3-бөлім: ғылым, білім, мәдениет, ақпарат салаларындағы халықаралық байланыстарды қамтитын Алматы қаласында өткен іс-шаралардың суреттері қойылған. Атап айтқанда: ҚР Ұлттық кітапханасында Қытай мәдениеті мен әдебиеті орталығының ашылуы, «КИМЭП» университетіндегі Қытай мәдениетінің күндері, ҚазМемҚПУ, әл-Фараби атындағы ҚазҰУ-де Қытай асханасының мейрамы, Алматы қаласында өткен Қыстық Универсиада - 2017 кезіндегі Қытай жаңа жылын қарсы алу, Алматының қала күнінде мәдениет және демалыс саябағына «100 верблюдов по новому Шелковому пути» керуенінің келуі.
Фотокөрмеге шақырамыз!
|