2017 жылғы 20 желтоқсанда Н.Дәулетова атындағы залда The Qazaq Times ақпараттық қоғамдық-саяси порталы ақпарат айдынына қосылғанына бір жыл толуына орай, Алматыдағы бүгінгі БАҚ-тың түйткілді мәселелері жөнінде «Ақпарат айдынында бір жыл: Қазақстан контентінде тәуелсіз БАҚ қалыптастырудың тәжірибелері мен проблемасы» атты дөңгелек үстел өткізді.

   The Qazaq Times ақпараттық қоғамдық-саяси порталы осыдан бір жыл бұрын қоғамның әр саласындағы тың ақпараттар мен танымдық ойларды қозғау мақсатында ашылған болатын және сол мақсатта жұмыс істеп, қазіргі кезде әлемде болып жатқан жедел ақпараттарды дер кезінде жеткізуге тырысып және түрлі деңгейдегі саяси, экономикалық, ғылым-техника бағытындағы салмақты оқиғаларды сауатты сараптап, оқырмандарына қажет ақпаратты ұсынуда. Сайттың бірден бір мақсаты – өткен жылдардағы әр түрлі оқиғалар туралы Қазақстанның белгілі қоғам қайраткерлерінің түрлі пікірлерін жариялай отырып, еліміздің тарихына деген қызығушылықты ояту.
   Модератор: журналист Мұрат Шаймаран.
   Қатысушылар: белгілі саясаттанушылар, БАҚ өкілдері және ІТ саласында жүрген мамандар.