2017 жылғы 22 желтоқсанда «Қазақстан кітаптары» оқу залында Алматы қ. Қазақстан халықтары Ассамблея Депозитарийі қызметі аясында Татарстан Республикасының халық жазушысы Рабит Батулланың «Жизнь и творческий путь» атты кітабының тұсаукесері өтті.
Рабит Батулла – Татарстанның халық жазушысы, әдеби сыншы,драматург, сатирик, публицист, қоғам қайраткері, театр режиссері,педагог. Татар АССР - нің еңбек сіңірген өнер қайраткері. Рабит Батулланың алғашқы кітабы - «Менің атым Дурткюз» ертегі-повесі 1966 жылы шықты. «Ақ қасқыр» ертегісі үшін (1988) ол А. Алиша атындағы Татарстан Жазушылар одағының әдеби сыйлығымен марапатталды. Сонымен қатар, жазушы 2000 жылы түрікшеден татар тіліндегі Құран аудармасын шығарған. 2008 жылы «Татарстан Республикасының халық жазушысы» құрметті атағын алды. Іс-шара «Қазақстан кітаптары» қызметінің ұйымдастыруымен, РҰБ «Қазақстанның татар және башқұрт конгресі» басқармасымен бірлесіп, Қазақстан және Татарстан Жазушылар одағының өкілдері, Алматы қаласының зиялылары мен жұртшылығы, сондай-ақ жоғарғы оқу орындары студенттері мен БАҚ өкілдерінің қатысуымен, Алматы қ. Қазақстан халқы Ассамблеясының Депозитарийі қызметінің аясында өткізілді. Қазақстан Республикасы Ұлттық кітапханасының қорынан Қазақстан аумағында тұратын татар халқының салт-дәстүрлері мен өмір тарихына арналған кітап көрмесі ұйымдастырылып, көрмеге қазақ, орыс және татар тілдеріндегі көркем әдебиеттер ұсынылды.
|