2018 жылғы 29 қаңтарда Н.Даулетова атындағы залда Халықаралық қазақстандық ПЕН-клубының есеп беру жиналысы өтті.

 

   Клуб президенті Бигелді Ғабдуллин өткен жылы атқарылған жұмыстардың есебін берді.

   Былтыр Халықаралық қазақстандық ПЕН-клубы бірқатар ірі жұмыстарды атқарды. Атап айтқанда:
– Мұхтар Әуезовтің «Красавица в трауре» кітабын «Рассел Пресс» баспасынан ағылшын тілінде шығарды. (Ұлыбритания, Лондон қаласы, аудармашы Саймон Гейган). Бұл кітаптың аудармасы Англиядағы шетелдік әдебиеттің үздік аудармаларының бірі деп аталды. Оның бағасын Пушкин Антон Вуд берді;
– осы кітаптың Алматы мен Астанадағы үлкен тұсаукесеріне танымал аудармашылар Саймон Гейган мен Саймон Холингсворт шақырылды;
– Халықаралық қазақстандық ПЕН-клубының үштілде сайты жасалды: qazaqpen-club.kz;
– Ұлыбританияда Оралхан Бөкеевтің «Человек-Олень» атты кітабы ағылшын тілінде шықты. Бұл кітап туралы Астанада үлкен конференция өткізу жоспарлануда;
– Шұға Нұрпейісованың «Человек в интерьере» атты кітабы туралы оқырмандар конференциясын өткізді;
– Жазушы-сатирик Ғаббас Қабышевтың «Көңіл көгінде» кітабы шықты. Бұл Қазақстанның өмірден озған жазушылары хақындағы тұтас бір энциклапедия;
– Адольф Арцишевскийдің 80 жылдық мерейтойын өткізіп, өлеңдер жинағын жариялады;
– ПЕН-клубтың мүшелігіне екі адам: АҚШ-тың Нью-Йорк қаласында тұратын әлемге әйгілі ақын Бақытжан Кенжеев пен қазақстандық жас ақын Мақпал Жұмабай қабылданды;
– АҚШ, Израиль, Ресей, Франция елінің танымал жазушыларының қатысуымен Алматыда өтетін халықаралық конференцияға дайындық жұмыстары жүргізілуде, сондай-ақ, Швейцариядағы аудармашылардың халықаралық конференциясына дайындалуда.