Салихитдин Айтбаев 1938 жылы 15 ақпанда Қызылорда қаласында туылды. График – суретші. 1961 жылы Алматы көркемсурет училищесін бітірді. М. Кенбаевтан дәріс алған. 1969-1971 жж. осы училищеде ұстаздық етті. С. Айтбаевтың алғашқы кескіндемелік шығармаларынан ұлттық салт-дәстүр рухымен іштей үйлесім тапқан: «Шопандар демалысы» (1962) «Бақыт» (1966), «Жас қазақтар» (1968), «Қонақтар келді» (1969) картиналары қазақтың бейнелеу өнеріне соны сипат әкеледі. Ол «Ә. Әлімжанов» (1970), «Ана» (1973), «Әке», «Шопан» (екеуі де 1974), «Абай» (1994) портреттерін салды. 1966 ж. ол «Менің отаным» атты суреттер топтамасы үшін Ленин комсомолы сыйлығының иегері атанды. Қазақстанның еңбек сіңірген өнер қайраткері (1988). С. Айтбаевтың кескіндемелік және графикалық туындылары
Ә.Қастеев атындағы мемлекеттік өнер мұражайында, Астана қаласындағы заманауи өнер мұражайында сақтаулы.
   Кітап көрмесінде ҚР Ұлттық кітапханасының кітап және мерзімді басылымдар қорынан қазақтың график – суретшісі,  С. Айтбаевтың өмірі мен шығармашылығы туралы материалдар ұсынылған. 
  

   Кітап көрмесіне келіңіздер!