2018 жылдың 2 наурызында Н.Дәулетова атындағы  залда телесаланың майталман маманы Ғаділбек Шалахметовтың «Шолпан – утренняя звезда» атты кітабының тұсаукесері өтті.

   Кезінде Қазақ телевизиясының құрылуы ел өміріндегі айтулы оқиғаның бірі болды. Міне, бұл күндері  әрдайым барлық ұлы оқиғалардың бел ортасынан  табылар Қазақ телевизиясына да 60 жыл толып отыр.
   Осынау мерейлі оқиға қарсаңында белгілі қоғам қайраткері, телесаланың майталман маманы Ғаділбек Шалахметовтың «Шолпан – утренняя звезда» атты кітабы жарық көрді. Онда автор телевизияның бастауында тұрған әріптестерінің еңбегін нақты деректерді келтіре отырып, аса жылы баяндайды. Негізгі кейіпкер, кәсіби режиссер Шолпан Баймолдинаның өмір жолдарынан сыр шерте отырып, телесаланың алғашқы қалыптасу кезеңдеріне кеңінен шолу жасады.
   Кітаптың тілі жеңіл, аса тартымды оқылады. Кітап көпшілік оқырманға арналған.
   Модератор: мәдениеттанушы-ғалым, дипломат, мемлекет және қоғам қайраткері  - Мұрат Әуезов.
   Қатысушылар: белгілі журналистер, жазушылар, қоғам қайраткерлері, отбасы, жолдастары, жоғары оқу орындарының студенттері, БАҚ өкілдері.