2018 жылғы 6 наурызда Ермек Тұрсынов кинозалында Қазақ-Америка университетінің «Дара оқырман» поэзия клубы белгілі ақын, журналист Жарасқан Әбдірәштің 70 жыл мерейтойына орай «Дала, сенің ұлыңмын» поэтикалық кешін өткізді.
Бұл іс-шара Қазақстан Республикасының «Рухани жаңғыру: болашаққа бағдар» мемлекеттік бағдарламасы ұранымен өтті. Іс-шараға ақын, жазушылар, қоғам қайраткерлері, ҚАУ-нің оқытушылары мен қызметкерлері, мектеп директорлары, университет пен колледж студенттері, сонымен қатар мектеп оқушылары қатысты. 1948 жылы 7 наурызда Қызылорда облысы Арал ауданының Аманөткел ауылында дүниеге келген. 1969 жылы С.М. Киров атындағы Қазақ Мемлекеттік университетінің филология факультетін бітірген. «Лениншіл жас» газетінің әдебиет пен өнер бөлімінде, «Жалын» альманахының поэзия және сын бөлімінде редактор, «Жұлдыз» журналының сын бөлімінің меңгерушісі болып қызмет атқарған. 21 жасында КСРО Жазушылар одағының мүшесі болды. «Тамаша» ойын-сауық отауында редактор болған. Жарасқан Әбдірашев өзінің шығармашылық жолында қазақ тілінің нәрін жоғалтпастан, ұрпағына таза қалпында жеткізіп, өлеңдерін туған халқына, еліне, жеріне арнап жазды.
|