2018 жылға 13 наурызда Н.Дәулетова атындағы залда түркі әлемінің аса көрнекті, ойшыл ақындарының бірі Юнус Эмренің қазақ тіліндегі «Жырлар» атты кітабының тұсаукесер рәсімі өтті.
Юнус Эмре - Анадолыдағы Қожа Ахмет Иасауи жолын қуған сопылық мектептің негізін қалаушы, түрік ақыны. Өмірі жайлы нақты деректер жоқ. Кейбір ескі қолжазбаларда оның хижра бойынша 720 ж. 82 жасыңда қайтыс болғандығы жазылған. Бұл деректерді оның өз шығармалары да («Насихаттар кітабы») растайды. Жүніс Әміренің қай жерде жерленгені белгісіз. Түркияның әр түрлі аймақтарында Жүніс Әміреге арналып кұлпытастар қойылып, мазарлар салынған. Өлеңдерін Қожа Ахмет Иасауи жолымен халыққа Ислам қағидаларын түсіндіру үшін жазған. Сопылық поэзияның аса көрнекті өкілдерінің бірі Юнус Эмренің жырлары толыққанды түрде қазақ тіліне тәржімаланып, тұңғыш рет қазақ оқырмандарына жол тартып отыр. Кітап қалың оқырман қауымға арналған. Тұсаукесер рәсіміне ҚР Ұлттық кітапханасының директоры Ж.Т.Сейдуманов, Ахмет Ясауи атындағы университеті Өкілетті кеңесінің төрағасы Мұса Йылдыз, жазушы-аудармашы Мәлік Отарбаев, жазушы Смағұл Елубаев және т.б зиялы қауым өкілдері қатысты. Кештің модераторы болған белгілі ақын, жазушы, Қазақстан Жазушылар одағының мүшесі Дәулетбек Байтұрсынұлы.
|