«Қазақ тілі мен әдебиеті» журналы 1958 жылдан 1959  жылдың қараша айына дейін шығып тұрған. Алғашқы бас редакторы
Т.Ақшолақов болды. Журналдың  басты мақсаты- Партияның XX съезі қаулысына сай мектептерімізде оқу-тәрбие  жұмыстарын
жақсартуда, ана тілі мен  әдебиет пәнін оқытудың сапасын арттыруда мұғалімдер қауымына ғылыми және әдістемелік көмек беру.   

   Ол 1991 жылы қайта шығы бастады. Журналдың «Көкейтесті көзқарас», «Қазақ әдебиетіндегі: озық тәжірибелер мен ортақ әдістер», «Оқулыққа қосымша», «Жас маманға жәрдем», «Тіл тарихы мен теориясы», «Әдебиет тарихы мен теориясы», «Өнеге сағаты», «Сабақтан тыс тәрбие», «Оңаша ой отауы», «Ұлттық тәлім-тәрбие: рухани уыз», «Лингвистикалық көмек: сөз төркіні», «Ел қазынасы - ескі сөз» және т.б. тұрақты айдарлары қалыптасқан.    
   1994 жылы шілдеде ғылыми тәлім-тәрбиелік «Ұлағат» қосымшасы жарыққа шыға бастады. Бұл Қазақстандағы және Орталық Азиядағы ғылыми-психологиялық  және педагогикалық  мәселелерге арналған тұңғыш басылым.
   2001 жылдың басында журналдан орыс мектептеріне арналған  республикалық ғылыми-педагогикалық «Қазақ тілі мен әдебиеті    орыс мектептерінде - Казахский язык  и литература в русской школе» журналы  бөлініп шықты. 
   Көрмеге Қазақстан Республикасы  Ұлттық кітапханасының  қорынан  әр жылдардағы  «Қазақ тілі мен әдебиеті»  журналына  арналған мерзімді басылымдар беттеріндегі танымал жазушылар мен журналистердің мақалалары ұсынылған.