2018 жылғы 6 сәуірде Елбасы Н.Ә. Назарбаевтың «Болашаққа бағдар: рухани жаңғыру» бағдарламалық мақаласы аясында Қазақстан Республикасының Ұлттық кітапханасы ұжымның Қазақстандық мәдениет, спорт, туризм және ақпарат саласы қызметкерлерінің салалық кәсіподақ ұйымының төрайымы С.К. Иманқұловамен және ұйымның Алматы қаласы және Алматы облысы филиалының  төрайымы С.Н. Нұрғалықовамен кездесуі өтті.
   С.К. Иманқұлова Қазақстан бойынша кәсіподақ мүшелерінің саны, салалық кәсіподақ ұйымдарының қызметі, Қазақстан Республикасы Мәдениет және спорт министрлігімен жасалған салалық келісім және Қазақстанның облыстары бойынша мәдениет және спорттық кәсіподақ ұйымдарының жұмысы мен міндеттері төңірегіндегі сұрақтарға тоқталып, жаңа еңбекақы, еңбекті қорғау мен еңбек қауіпсіздігі, сонымен қатар, Қазақстан Республикасының «Кәсіподақтар туралы» заңы және т.б. жайлы айтып өтті.
   Ұжым Қазақстан Республикасының Ұлттық кітапханасы қызметкерлерінің еңбекақысы, кітапхана қызметкерлеріне арналған жеңілдіктер мен сыйақылар, сонымен қатар, Мәдениет, туризм және ақпарат саласы қызметкерлерінің салалық кәсіподақ ұйымына әлеуметтік-экономикалық саладағы жұмысты күшейтуді ұсынды.