2018 жылғы 26 сәуірде ҚР білім беру ісінің Құрметті қызметкері,   экономика ғылымдарының докторы, профессор, академик Әбен Алдабергенұлы Нұрмановтың шығармашылық кеші және «ҒИБРАТ» атты 100 томдығының  таныстырылымы өтті.

   Елбасы Н. Ә. Назарбаевтың «Болашаққа бағдар: Рухани жаңғыру» Бағдарламасы аясында Қазақ елін бүкіл әлемге жақсы жақтарымен  таныстырып, халық ынтымағының нығаюына, рухани байлығының дамуына үлес қосу – жазушылар қауымының басты міндеті.                      
   Әбен Алдабергенұлы Нұрманов - «Бейбітшілік әлемі» президенті, Халықаралық Адам құқығын қорғау комитетінің Қазақстандағы өкілдігінің президенті, генерал-майор, Қазақстан Жазушылары Одағының және Евразия Жазушылары Одағының мүшесі, ҚР білім беру ісінің Құрметті қызметкері,   экономика ғылымдарының докторы, профессор, академик.
   Ә. А. Нұрманов оқырман қауымға танымал жазушы, ғалым, 50-ден астам кітаптың авторы: «Шоқан сагасы» атты 10 томдық роман (2014), «Түс кітаптары» (2004-2006, 2015), «Жырла жүрек» (2007), «Охо, дүние-ай!» (2011), «Сен бақытыңды таптама» (2004-2006), «Өрік ағаш пен әйел» (2007), «Сен ақылыңды қулыққа айналдырма» (2013),                        «Ода обманчивой жизни» (2009), «Нафиса ханның кереметтері» (2002), «Ақындығым, азабым да аяулым» (2013), «Возрождение» (2016), және т.б. кітаптары жарық көрген.
   Кештің модераторы Халықаралық ғылымдар және ойшылар одағының мүшесі, “Таланттар академиясы” оқу-кеңес орталығының президенті Мылтықбаев Аят Мәдібекұлы болды.