2018 жылғы 4 мамырда Н. Дәулетова атындағы көрме залында  Алматы қаласындағы Ресей Федерациясының Бас Консулдығы, Қазақстан Республикасындағы Ресей ынтымақтастығы және Орынбор «Евразия» қайырымдылық қоры бірлесіп ұйымдастырылған  Морис Дрюон мен Жозеф Кессельдің «Российские корни» және Жозеф Кессельдің «Сибирские ночи» атты кітаптарының тұсаукесері өтті.

   Іс-шараны ҚР Ұлттық кітапханасының Әлем әдебиеті қызмет жетекшісі С.Т. Тұяқова құттықтау сөзбен ашты.
   Қазақстан Республикасындағы Ресей ынтымақтастығының өкілі, Алматы қаласы Ресей  Федерациясының Бас консулдығының консулы  И.В.Переверзева іс-шараның модераторы болды.
   Шараның қонағы Орынбор «Евразия» қайырымдылық қорының Президенті И. В. Храмов  француз жазушылары М.Дрюон  мен Ж.Кессельдің өмірбаяны мен шығармашылығы туралы әңгіме қозғап,  Морис Дрюон мен Жозеф Кессельдің «Российские корни»  және Жозеф Кессельдің «Сибирские ночи» атты кітапттарын көпшілік қауымға таныстырып, жазушылардың шығармашылығы туралы документальды бейнебаяннан көріністер көрсетті. Кітапханаға бірнеше дана авторлардың орыс тіліндегі «Российские корни», «Сибирские ночи»  атты кітаптарын сыйға тартты. Іс-шара шеңберінде Қазақстан Республикасы Ұлттық кітапханасының қорынан жазушылардың өмірі мен шығармашылығына арналған «М.Дрюон мен Ж.Кессельдің әдеби мұралары» атты иллюстративті-кітап көрмесі мен слайд ұйымдастырылды.
   Алматы қаласының зиялы қауым өкілдері, жоғары оқу орындарының оқытушылары, мектеп  оқушылары, БАҚ өкілдері «Деловой Казахстан» газетінің журналистері,  кітапхана қызметкерлері  іс-шараға қатысты.