2018 жылдың мамыр айының 5 күні ҚР Ұлттық кітапханасы, Жастар кеңесінің ұйымдастыруымен Е.Тұрсынов кино залында Отан қорғаушылар күніне орай «Ұранды ердің - ұрпағы қайсар» атты мерекелік концерт өтті.
Мерекелік шоу-концертті Жеңісхан Жайдар тізгіндеді. Аталмыш концертте соғыс жылдарындағы әндер мен заманауи әндер шырқалды. Концертке ҚР Ұлттық кітапханамыздың жас мамандары, Т.Қ. Жүргенов атындағы Қазақ ұлттық өнер академиясының студенттері, П.И. Чайковский атындағы Алматы музыкалық колледж студенттері қатысты. Отан қорғаушылар күніне орай ҚР Ұлттық кітапханасының қызметкерлеріне және кітапхананың қауіпсіздігін қамтамасыз ететін полиция қызметкерлеріне алғыс хаттар табыс етілді.
|