2018 жылғы 22 мамырда Е.Тұрсынов кинозалында Алматы қаласы жастарының Дельфийлік ойындарының байқауы өтті. 50-ге жуық қатысушылар «Академиялық ән» және «Эстрадалық ән» номинациялары бойынша сайысқа түсті.

   Байқау 2 кезеңнен тұрды. Алғашқысында жас өнерпаздар дәстүрлі әндерді айтса, іріктеу кезеңінде өз қалауларындағы әнді шырқады. Сайысқа Алматы қаласының 10-25 жас аралығындағы жастары, ЖОО және колледж студенттері, мектеп оқушылары қатысты. Қазылар алқасына төрағалық етуші  атақты эстрада әншісі, Қазақстан халық әртісі Лаки Кесоглу  және опера әншісі Дина Халимжанқызы қатысушыларды жоғары бағалап, оларға шығармашылық табыстар тіледі.
   Жалпы 16 номинация бойынша өткен байқаудың нәтижесі бойынша ең үздік ЖОО, мектеп пен колледж арнайы марапатталады.  Жеңімпаздар қаламыздың намысын республикалық Ұлттық дельфий ойындарында қорғайды. Байқау қорытындысы  «Алатау» дәстүрлі өнер театрында белгілі болады.