Мерзімді басылымдар қызметінің оқу залында Алматы облыстық «Жетісу» қоғамдық - саяси   газетінің  100 жылдығына  арналған  көрме ұйымдастырылды.

   Жетісу» – облыстық қоғамдық-саяси газет, органы - Алматы  аймақтық әкімшілігі. Газеттің бірінші нөмірі 1918 жылы 21 маусымда жарық көрді. Оның атауы  «Жетісу ісші халық мухбірі»  болды.  Онда қазақ, ұйғыр, дүнген, өзбек және татар тілдерінің зиялы қауым өкілдері  жұмыс жасады. Сол жылдың 16 желтоқсанынан бастап газет «Көмек» атауымен  жарияланып, 1500  дана таралыммен жарық көріп, оқырмандар арасында тегін таратылды.1919 жылдың 17 желтоқсанынан  бастап газет «Ұшқын» атауымен жарыққа шықты. Алғашқы редакторлары Сабыржан Шекержанов, Калдыбай Абдуллин болды. 1920 жылғы 1қарашадан бастап «Бұқара» деп аталды. Газет 1921 жылдың қарашасына дейін ұйғыр тілінде шықты. Оның 17 нөмірі жарық көрді. 1921 жылдың 2сәуірінен жаңа партияға және экономикалық саясатқа көшуіне байланысты газет «Кедей Еркі» деп аталды. Газеттің 25 данасы жарыққа шығып, 1922 жылдың 18 тамызынан бастап газет атауы «Тілші» болып өзгерді. Оның редакторлары С.Оспанов пен С.Есова болды. Газет 1929 жылға дейін үздіксіз жұмыс жасады. 1936-1954 жж. «Сталин жолы» деп аталды. Редакторы  белгілі жазушы Ж.Сыздықов болды. 1954 жылдың 2 ақпанынан бастап 1959 жылға дейін «Коммунизм таңы» аталып, 1963 жылдың 1 мамырынан бастап осы күнге дейін «Жетісу» Алматы облыстық қоғамдық-саяси газеті ретінде жарық көрді. 
   100 жыл бойы газет беттерінде көптеген адамдар, солардың ішінде жұмысшылар мен шаруалар, мұғалімдер мен дәрігерлер, танымал жазушылар, мемлекет қайраткерлері болды.    
   Марапаттары: ҚазКСР Жоғарғы Кеңесінің 1978 жылғы 20 маусымдағы құрмет грамотасы.  2018 жылдың қаңтарынан бастап газет ардагерлерге арналған «Ардагер» қосымшасын айына бір рет шығара бастады.  Газет 52 135 дана таралыммен шығарылады.
   Көрмеде Қазақстан Республикасы Ұлттық кітапханасының қорынан  танымал жазушылар мен журналистердің мерзімді баспасөз беттеріндегі «Жетісу» газетіне арнаған мақалалары ұсынылған. 

   Сіздерді көрмеге шақырамыз!