Мерзімді басылымдар қызметінің оқу залында облыстық «Актюбинский вестник» қоғамдық-саяси газетінің 100 жылдығына арналған көрме ұйымдастырылды. «Актюбинский вестник» алғаш рет жарыққа шыққан облыстық қоғамдық - саяси газет. 1918 жылы 19 маусымда газеттің алғашқы нөмірі шықты. Газет атқару комитетінің қаулы-қараларын жариялап, ауыл жұмысын жандандыру, Ақтөбе губерниясының экономикалық жағдайы туралы жазды. Газет «Известия» деген атаумен шыға бастады. Бір жылдан кейін газет Ақтөбе комитетінің РКП(б ) органы «Правда» деп аталды. Ақтөбе ақтардан босатылғаннан кейін басылым «Красная звезда» атауымен жарық көрді. 1921 жылы газет - Халық шаруашылығы кеңесінің, кәсіподақ және жер комитетінің органы «Киргизская степь» болып аталып, 1921 жылы 12 тамызда Ақтөбе губкомы РКП(б) баспа органдары болды, 1924 жылы желтоқсанда атауы «Степная крестьянская газета» болып өзгерді. Оқырмандар арасында шын мәнінде газеттің беделі жоғары болды. 1929 жылы газет «Степная правда» атауымен шықты. 1932 жылы наурызда Ақтөбе облыс болып құрылып, партия облыстық комитеті бюросының шешімі бойынша газетке «Актюбинская правда» атауын беру туралы Қаулы қабылданды. Осы атаумен газет отыз үш жыл жарыққа шығып отырды. 1962 жылы Ақтөбе Батыс Қазақстан облысының орталығы болып құрылды, осы жылдан бастап 1965 жылға дейін «Западный Казахстан» өлкелік газет ретінде шығарылды. Қазақстан Компартиясы мен Ақтөбе облыстық атқару комитетінің органы 1965 жылы маусымда Кеңестік халық шаруашылығы таратылып, газетке облыстық мәртебе қайтарылып «Путь к Коммунизму» өлкелік атаумен шықты. 1968 жылы газет 50 жылдығы құрметтіне орай «Құрмет» белгісі орденімен марапатталды. 1990 жылы қараша айында еліміз тәуелсіздік алғаннан кейін, газет бастапқыдағы «Актюбинский вестник» атын қайта иеленді. Қазіргі уақытта газет 9 653 дана таралыммен шығады. «Ақтөбе Медиа» ЖШС басшылығы газет журналистикасының мұражайын құруды жоспарлап отыр. Облыстық «Актюбинский вестник» қоғамдық-саяси газетінің энциклопедиясын шығармақшы, онда түрлі айдарлар, қызықты жобалар жүзеге асырылады. «Актюбинский вестник» газеті облыстағы жалғыз баспа органы, оның нақты өз туған күні бар және өткен ғасырдың жетекші тарихи шежіресі. Көрмеде«Актюбинский вестник» газетінің мерейтойлық сандары,танымал жазушылар мен журналистердің мерзімді басылым беттеріндегі мақалалары ұсынылған. Көрмеге шақырамыз!
|