2018 жылғы 20 маусымда Е.Тұрсынов киноклубында Алматы қалалық Ардагерлер кеңесінің ұйымдастыруымен Астананың 20 жылдығына орай «Гүлдене бер, менің Астанам!» атты үлкен әдеби-музыкалық мереке  өтті.
Кітапхана фойесінде ардагерлер көркем шығармашылығының көрмесі ұйымдастырылды, соның ішінде суретшілердің жұмыстары, сондай-ақ қолөнер шеберлерінің жәдігерлері ұсынылды.
    Іс-шара әрі қарай студенттер мен оқушылардың қатысуымен, көркемөнерпаз ардагерлер ұйымдастырған мерекелік концертке ұласты.
     Халықтың «Сен менің Астанамсың!», «Арман қала», «Астана вальсі», «Айтыс Наурыз» сияқты сүйікті әндері орындалып, Астананың туған күніне арналған авторлық өлеңдер оқылды. Сондай-ақ,  концерт барысында ардагерлер арасында айтыс ұйымдастырылды.
     Шарада Қазақстанның жас астанасының қалыптасуына байланысты фотосурет эскиздері бар бейнероликтер көрсетілді.
   Мереке соңында айтыс жеңімпаздары мен қатысушылар Алматы қалалық Ардагерлер кеңесінің дипломдарымен және алғыс хаттарымен марапатталды.