2018 жылғы 22 маусымда Н.Дәулетова атындағы залда  «Ел-шежіре» қоғамдық қоры мен Алматы қаласы Ішкі саясат басқармасының ұйымдастыруымен «Астана – өңірлердің қарқынды даму факторы» атты ғылыми-тәжірибелік конференция өтті.

   Іс-шараның басты мақсаты  – Елорданың өңірлерді дамытып, гүлденуіне  қосқан үлесін айшықтау.
   Шара барысында «Ақиқат» журналының бас редакторы Аманхан Әлімұлы «Астана – тәуелсіз Қазақстанның ең үздік жобасы»; саясаттанушы, тарих ғылымдарының докторы Әзімбай Ғали «Астананың жаңа этникалық келбеті»; ақын, «Қазақ үні» ЖШС президенті Қазыбек Иса «Алаштың Астанасы»; «Қамшы» ақпараттық агенттігінің жетекшісі Біләл Қуаныш «Астана – бүкіл әлем қазақтарының елордасы»; әл-Фараби атындағы ҚазҰУ профессоры Гүлжаухар Көкебаева «Астана -  саяси шешімдер орталығы; этнолог, ғалым, тарих ғылымының докторы Ахмет Тоқтабай «Астана – тәуелсіздігімнің бойтұмары» тақырыбында баяндама оқыды. Конференцияға  қоғам қайраткерлері, оқырмандар мен БАҚ өкілдері қатысты. 
  Іс-шараның модераторы Алматы қалалық мәслихатының депутаты, филология ғылымдарының докторы Кенжехан Матыжанов болды.