2018 жылғы 29 маусымда Е.Тұрсынов киноклубында Алматы полиграфиялық колледжінің түлектеріне диплом тапсыру салтанатты рәсімі өтті.
Қазақстанның полиграфия өнеркәсібі биыл 359 маманмен толықты. Оның ішінде 54 студент қызыл дипломмен бітіріп, 200 маман Мәскеу мемлекеттік политехникалық университетінде және Санкт-Петербург мемлекеттік өнеркәсіптік технологиялар және дизайн университетінде оқуларын жалғастырады. Сондай-ақ, 5 студент Шанхайдағы Баспа ісі және басып шығару колледжінде тағылымдамадан өтті. Алматы полиграфиялық колледжі – полиграфия саласы үшін жұмысшы мамандарды дайындайтын Қазақстандағы жалғыз оқу орны. Колледждің шеберханалары соңғы бағдарламалық жасақтамамен, ең заманауи жабдықтармен жабдықталған. Сондай-ақ, өзінің оқу баспаханасы да бар. Колледждің басты ерекшелігі - студенттер уақытының басып көпшілігін өткізетін өндіріс орнын білім беру үдерісіне барынша жақындату. Колледж болашақ полиграфистерді «Дәуір» республикалық баспа-полиграфиялық кешені, «Атамұра» корпорациясы және бірқатар жекеменшік баспаханалармен тығыз әріптестік қарым-қатынаста дайындайды. Оқу орны полиграфиялық жабдықтарды өндіру бойынша әлемге әйгілі көшбасшы австриялық «Гейдельберг» фирмасымен де ынтымақтастық орнатып, еңбек нарығында жоғары сұранысқа ие мамандарды даярлауда.
|