2018 жылғы 16 шілдеде Н.Дәулетова атындағы залда Махмұд Қасымбековтың дари (парсы) тілінде жарық көрген «Нұрсұлтан Назарбаев. Өмірбаян» атты кітабының тұсаукесері өтті.
«Нұрсұлтан Назарбаев. Өмірбаян» кітабының авторы Махмұт Қасымбеков - танымал публицист, Президент Кеңсесінің басшысы. Кітапта Елбасының қарапайым ауыл баласынан ұлт көшбасшысына дейінгі өмір жолы баяндалған. Басты назар ХХ және ХХІ ғасырдың басында Қазақстанның дамуындағы драмалық және біржақты оқиғалар мен үдерістердің тарихи өткен шежіресінде берілген саяси өмірбаянына аударылған. Бұрынырақ кітап ағылшын, неміс, француз, қытай, араб, венгер, түрік, серб және корей тілдерінде жарық көрген. Іс-шараны «Ариана» Ауған орталығының өкілі Ахмадулла Восток жүргізді. Кітаптың тұсаукесер рәсіміне Қазақстан Республикасының Ауғанстандағы бұрынғы елшісі О.М.Битімов, Алматы қаласы әкімі аппаратының «Қоғамдық келісім» КММ директоры Ж.Ш.Мұрұнова, Ауғанстан Ислам Республикасының Бас консулының міндетін атқарушы, Бас Консулдығының бірінші хатшысы Шугни Яр Хуссаин, Қазақстан халқы Ассамблеясы төрағасының орынбасары Қазбек Мамсұров, Алматыдағы ардагерлер ұйымдарының үйлестіру кеңесінің төрағасы Мұрат Абдышкуров, Қазақстан халқы Ассамблеясының мүшесі Қазақбай Қасымов және т.б Алматы қаласының этномәдени бірлестіктерінің басшылары қатысып, сөз сөйледі.
|