2018 жылғы 24 тамызда Н. Дәулетова атындағы залда  30 тамыз - Қазақстан Республикасының Конституциясы күніне орай «Конституциялық құндылықтар, Қазақстанның заңнамасы және құқық қолдану тәжірибесінде оларды жүзеге асыру жолдары» (ІІ-ші Тамыз оқулары) атты дөңгелек үстел өтті.

   Ұйымдастырушылар: ҚР Ұлттық кітапханасы мен Алматы қалалық соты.
   Іс-шараны ҚР Ұлттық кітапханасының директоры Ж.Сейдуманов ашып, қонақтарды «Конституция – Қазақстан өркені мен өрлеуінің негізі» атты ауқымды кітап көрмесімен таныстырды. Шараны әрі қарай  Алматы қалалық сотының төрағасы Бақытжан Қараманов жүргізіп, дөңгелек үстелдің жұмыс кестесімен таныстырды.
   Іс-шараға  Алматы қалалық сотының судьясы Қ.Қалекеева, әл-Фараби атындағы Қазақ Ұлттық университетінің Заң факультетінің деканы, заң ғылымдарының докторы Д.Байдельдинов, әл-Фараби атындағы Қазақ Ұлттық университетінің халықаралық қатынастар факультетінің деканы, заң ғылымдарының докторы, профессор Қ.Айтқожин, Әуезов ауданының прокуроры М.Тлеубердиев, адвокат Н.Жазылбеков, Бостандық аудандық сотының судьясы, заң ғылымдарының кандидаты Г.Талапова және т.б қатысып, баяндама оқыды.