2018 жылғы 23 тамызда lН.Дәулетова атындағы залда ҚР  Парламенті Мәжілісінің депутаты Ахмет Мұрадов ҚР Ұлттық кітапханасының қызметкерлерімен кездесу өткізді. Іс-шараны Ұлттық кітапхана директоры Ж.Сейдуманов ашып, Мәжіліс депутатын кітапхананың тыныс тіршілігімен таныстырды.

   Мұрадов Ахмет Сейдарахманұлы - саясаткер, Қазақстанның «Вайнах» шешендер мен ингуштар қауымдастығының тең төрағасы, Қазақстан халқы Ассамблеясы Кеңесінің және Қазақстан Республикасы Парламенті Мәжілісінің Экология мәселелері және табиғат пайдалану комитетінің мүшесі.
   Кездесуде А.С.Мұрадов Ұлттық кітапхана жанынан ашылған ҚХА Депозитарийдің қызметі туралы және  кітапхананың оқу залдарымен танысты. Сондай-ақ Парламент Мәжілісі депутаттарының, «Рухани жанғыру» мемлекеттік бағдарламасының, халықтың бірлігі мен Қазақстан халқы Ассамблеясының жұмысы туралы әңгімеледі. Іс-шара соңында Мәжіліс депутаты кітапханаға алғысын білдіріп, кітапхана қызметінің маңыздылығын атап өтті.