2018 жылғы 21 қыркүйекте Н.Дәулетова атындағы залда Алматы қалалық ҚКХП комитеті ұйымдастыруымен «Қазақстан жастары: кеше, бүгін, ертең!» тақырыбында дөңгелек үстел өтті.
Іс-шарада Қазақстан Республикасының жастар саясаты, қазіргі жастардың білім, мәдениет саласындағы проблемалары, жас қазақстандықтардың патриотизмі мәселесі талқыланды. 2017 жылы Қазақстандағы BRIF Research Group тобының жүргізген зерттеуіне сәйкес, жастар қарапайым өмір қағидаларына бейім, көбісі жұмыс істегісі келмейді, бірақ жақсы табыс тапқысы келеді. Сондай-ақ, жастар дың өзекті мәселелірінің бірі - болашақ мамандықты тиімсіз таңдау. Іс-шараны АКҚ ҚКХП хатшысы Абзал Әуелбеков және АКҚ ҚКХП жастар комитетінің жетекшісі Мұхтар Рахымжанов жүргізді. Шараға Каспий университетінің рим құқығы кафедрасының оқытушысы А.Байзақов, Ауғанстан соғысының ардагерлері үйлестіру кеңесінің төрағасы М. Абдушкуров, «Қорқыт» қоғамдық қорының директоры Д.Мейірбекова және басқа да жастар ұйымдарының өкілдері, қалалық жоғары оқу орындарының студенттері, саясаттанушы, сондай-ақ Алматы қаласының қоғамдық кеңес мүшелері қатысты.
|