«Қазақстан кітаптары» қызметінің оқу залында Қазақстандағы Еңбек күніне орай «Еңбек даңқы арта берсін» атты кітап көрмесі ұйымдастырылды.
Қазақстан Республикасы Президентінің 2013 жылғы Жарлығымен Қазақстанда «Еңбек күні» мерекесі белгіленіп, жыл сайын қыркүйек айының соңғы жексенбісінде атап өтіледі. Еңбек адамдарына құрмет көрсету мақсатында тағайындалған арнаулы марапат – «Еңбек ардагері» медалі де сол күні иелерін тапты.
Медаль өзінің еңбек жолында биік нәтижелерге жеткен өндіріс екпінділеріне, түрлі салаларда ұзақ жылдар еңбек еткен жұмыскерлерге беріледі. Мерекенің мақсаты ̶ жұмысшы кәсіптердің мәртебесі мен беделін көтеру, жұмысшы әулеттердің дәстүрлерін жандандыру, еңбек өнімділігін ынталандыру, еңбек ұжымдарын біріктіру, жастардың жұмысқа деген назарын аудару, ерте жастан бастап еңбектің маңыздылығын түсіну. Мереке күні түрлі іс-шаралар, ең үздік еңбек ардагері, үздік жас жұмысшы атағы үшін тақырыптық байқаулар, спорттық жарыстар, эстрада әртістерінің қатысуымен концерттер және т.б. өткізіледі. ҚР Ұлттық кітапханасының қорынан ұйымдастырылған кітап көрмесінде Еңбек кодексі, заңнама, заң және еңбек қатынастары бойынша анықтамалық басылымдар, сонымен қатар түрлі мамандықтар, еңбек ардагерлері және т.б. туралы материалдар ұсынылған.
Кітап көрмесіне шақырамыз! |