2018 жылғы 27 қыркүйекте Е.Тұрсынов киноклубында Алматы қаласы Жастар саясатын дамыту мемлекеттік қорының және «Әдебиет әлемі» орталығының ұйымдастыруымен «Алматым – аңсарым» атты жыр мүшәйрасы өтті.
Мүшәйраның мақсаты: Елбасының «Болашаққа бағдар: рухани жаңғыру» мақаласы аясында еліміздің рухани астанасы болған Алматы қаласын жырға арқау ету. Жас ақындарға қолдау білдіріп, «бұлақтардың көзін ашу». Әдеби кеште мүшәйра жеңімпаздары мен жүлдегерлері өз өлеңдерін оқып, эстрада әншілері Г.Ақүрпекова, «Арай» тобы әннен шашу шашып, өзара үздіктер анықталды. Іс-шараға еліміздің әр облысынан келген жас ақындар, белгілі ақын-жазушылар, зиялы қауым өкілдері мен эстрада әншілері қатысты. Жас ақындар мүшәйрасының І-орын жеңімпазы Алматылық Әмина Адайхан, ІІ-орынды Семейлік Азамат Қажыбай, ал ІІІ-орынды Алакөл ауданынан келген Қадырғали Нүсіпхан иеленді. Мүшәйра жеңімпаздары алғыс хатпен және бағалы сыйлықтармен марапатталды.
|