2018 жылғы 3 қазанда Н.Дәулетова атындағы залда Елбасының «Рухани жаңғыру» бағдарламасы мен Тарбағатай ауданының 90 жылдығы аясында «Асылтас» қоғамдық қорының ұйымдастыруымен «Тарихқа толы Тарбағатай» кітабының  ІІІ - басылымының тұсаукесер рәсімі өтті.

   «Тарихқа толы Тарбағатай» кітабын құрастырушы - археолог, ғалым Ерден Оралбай.
   Бұл кітапта Тарбағатай өңірінің қилы да ғұмырлы тарихына қатысты оқиғалар, сол өңірде дүниеге келіп, өмір сүрген, халық арасына кең танылған тарихи тұлғалар жайында, сонымен қатар, өлкенің географиясы жайлы мақалалар мен туған жерге арналған өлең-жырлар топтастырылған.
   Іс-шараға белгілі айтыскер ақын Жүрсін Ерман, «Асылтас» қоғамдық қорының президенті Дулат Тастекеев, журналист, «Айқын» газетінің бас редакторы Нұртөре Жүсіп, ақын Серік Қалиев, ақын Әбубәкір Қайран, жазушы Әлібек Асқаров, ақын Бауыржан Жақып, педагогика ғылымдарының докторы Гүлбаршын - Жанна Сабурова, әйгілі спортшы, «Асылтас» қоғамдық қоры Қамқоршы кеңесінің құрметті мүшесі Қанат Ислам және т.б.  белгілі қоғам және мәдениет қайраткерлері, тарихшылар, БАҚ өкілдері   қатысып, сөз сөйледі.
   Тұсаукесер рәсімін Дүниежүзілік қазақ күресі федерациясының жетекшісі Талғат Мазибаев жүргізді.