Өнер бөлімінің оқу залында кескіндемеші, Қазақстанның халық суретшісі Кәміл Махмұдұлы Шаяхметовтың (1928-1995) 90 жылдығына арналған «Кескіндеме өнерінің шебері» атты кітап көрмесі ұйымдастырылды.
К. Шаяхметов 1928 жылы 15 қазанда Көкшетау қаласында туылды. Қазақстанның халық суретшісі 1956 ж. Ленинградтың (қазіргі Санкт-Петербург) кескіндеме, мүсін және сәулет өнері институтын бітірді. К. Шаяхметов тарихи тақырыпқа арналған «Тоқаш Бокиннің байларды тәркілеуі» (1958), «Елден хат» (1959), «Жер туралы әңгіме» (1962) атты картиналардың, «Шопандар тойы» (1960), «Сәуленің портреті», «Басқарма» (екеуі де 1961), «Туған ауылда», «Біздің ұжымшар» (1967), «Егіншілер» (1976), «Ғани Мұратбаев» (1981), «Композитор Л. Хамиди», «Халық суретшісі А. Ғалымбаева», «Композитор М. Төлебаевтың портреті» (1983) және т.б. портреттердің және кескіндемелік туындылардың авторы. Ол Алматы көркемсурет академиясында және қазіргі Қазақ ұлттық өнер академиясында педагогикалық қызметпен, сондай-ақ профессорлықпен шұғылданады. Қазақстан Жоғарғы Кеңесінің Құрмет грамотасымен (1988), «Құрмет белгісі» ордендерімен және медальдармен марапатталған. Қазақстанның еңбек сіңірген өнер қайраткері, Қазақ КСР-ның халық суретшісі (1960). Кітап көрмесінде ҚР Ұлттық кітапханасының кітаптар және мерзімді басылымдар қорынан Кәміл Шаяхметовтың өмірі мен шығармашылығы туралы материалдар ұсынылған.
Кітап көрмесіне келіңіздер! |